余香凝妹妹余潔瀅拍《美女廚房》順道偷師 最叻煮邊味餸？
撰文：郭芷晴
出版：更新：
余潔瀅 (Zoe) 的拿手好菜是焦糖炒飯，大家可以自行想像一下味道。（葉志明攝）
余潔瀅 (Zoe) 昨日 (29日) 出席波鞋品牌活動時分享了拍攝《美女廚房》的點滴。 Zoe說自從當上了美女學徒後便獲益良多，因為可以邊拍邊跟各大名廚學野：「有一集請左鼎爺做嘉賓，我就跟佢學整左一味『焦糖炒飯』，父親節果日整俾爸爸食，貪佢甜甜蜜蜜嘅好意頭，而且呢個飯出面好少有得食。」焦糖燉蛋就聽得多，焦糖炒飯......應該當甜品食定當正餐食呢？不過無論Zoe煮甚麼，總有一位忠實捧場客：「我家姐 (余香凝) 好鐘意食我煮啲餸架！佢而家唔係香港，等佢返黎之後我一定煮多幾味好食嘅俾佢。」Zoe更充滿自信地為自己廚藝打7分。另外，Zoe更透露一眾美女學徒正在排舞，遲啲可能會拍video。
Zoe和一眾美女學徒正在排舞，可能會錄制一段video。（葉志明攝）
除了跳舞，Zoe也喜歡和姐姐一起做運動：「我地會去跑步同行山，因為我平時做model都要保持身形。」又要拍《美女廚房》又要兼顧modeling，還有沒有時間發展歌唱事業？「我之前有同家姐同朋友一齊錄cover，其實我都想第時有隻自己嘅歌。」
Zoe充滿運動細胞，除了習舞還會去跑步和行山，保持身形。（葉志明攝）