朱智賢險遇交通意外：反應慢一秒變柿餅

香港人多車多，道路交通真係要好小心同留神，TVB藝人朱智賢（Ashley）日前就差點遇上交通意外，更說若然反應慢一點，真係命仔隨時不保。Ashley事後心有餘悸，在網上分享經歷。

她在IG Story 留言，依然驚魂未定：「頭先揸車，有架大拖頭想cut埋嚟我條線，然而當佢挨埋嚟嘅時候，仍係完全睇唔到我，就係差嗰一秒半秒，我可能已經變咗屎餅（柿餅），我可以做嘅就淨係響horn！嗰吓我真係以為咁就byebye，真係好驚，好彩佢聽到horn聲，返翻自己條線！雖然事後佢不停揮手道歉，但我想講，有好多嘢都無得轉頭！大家記得小心駕駛，到宜家我仲驚緊。」幸好Ashley最後都無事，大家揸車真係要提高警覺呀！