【BB來了】高海寧對BB愛不釋手 期待將來有屬於自己嘅小朋友

撰文:賴家杰
出版:更新:

TVB劇集《BB來了》一眾演員開始為劇集宣傳,劇中內容都講到新手爸媽嘅困難之處。今日活動中更找來一眾BB畀演員們照顧,其間高海寧抱BB時候BB更大哭起來,令到佢都手足無措,而司儀更在旁邊開玩笑想畀高Ling抱住。

宣傳活動期間高海寧抱BB時候BB更大哭起來,令佢手足無措。(黃國立攝)

高海寧今次劇中角色都唔需要做新手父母,主要都係黎諾懿同李佳芯。今次諾懿同Ali劇中都有一名B女,高Ling好羨慕佢哋:「劇中做佢哋個B女好得意,每次撞到佢我都好開心,捉住佢唔肯放手,佢哋覺得同bb拍劇好辛苦,我就唔係,因為我本身好鍾意小朋友,所以我都好期待能夠有一日可以同好乖巧嘅小朋友做戲就好了。」

高海寧好羨慕黎諾懿同李佳芯劇中有一名可愛女兒。(黃國立攝)

好多人覺得玩別人家中嘅小朋友就最開心,而真係有屬於自己嘅小朋友照顧起上嚟就可能係一種惡夢,高Ling就暫時未覺得係咁樣,「暫時都好期待將來會生小朋友。」不過對於結婚生小朋友等高Ling暫未有呢個計劃,但佢自己覺得將來係會生兩個小朋友。

高海寧期待將來生小朋友時刻。(黃國立攝)