【黃子華棟篤笑】台上講當年黑社會情況　香港電影老闆一半有勢力

黃子華棟篤笑《金盆𠺘口》作為最後一個黃子華的棟篤笑，早前已經講過他在台上十分之放膽，香港政治、社會等等的問題完全沒有避忌，盡舒己見，當中更包括電影圈的歷史。

在講香港社會環境的時候，子華亦都有提及過電影圈裡的事。在七、八十年代，香港的黑社會橫行，周街斬人尋仇的事屢見不鮮，子華表示在電影圈裡也會有些有勢力的人士在背後。「香港嘅電影圈，我哋唔單止10套戲有9套係講黑社會，我哋10個電影老闆有5個就係幫會，你睇香港人幾引以為傲，我唔叫佢做黑社會我叫佢做幫會，因為好多都幫咗我嘅。」子華講得沒有錯，當年的確很多圍繞著黑社會的電影，只是《古惑仔》系列已經數到幾套出來。

未講完，子華續說：「其實10個裏面唔係得5個咁少㗎各位，其實10個裏面有成8個㗎，點解話得5個？因為有3個死咗，仲係俾人打死咗。你有冇諗過你聽日唔使返工，唔係因為打風，係因為你老闆俾人打死咗，仲係畀對家個老闆打死咗喎！」其實並不只老闆，原來連演員都會受到威脅！子華表示有演員曾經被這些有勢力人士威脅打劇，他比喻是訛演員被人拿住槍迫他拍攝，而且一定要滿足到該人士的要求才收貨。

【黃子華棟篤笑】豁出去講香港三大問題 笑聲當中以淚水終結

究竟子華所說的是誰？他沒有明確講出來，但卻用了一種暗示的方法表示。在講完被槍威脅後，子華扮演那個演員做了一幕戲，而該幕戲中有一句對白：「我唔見咗嘅嘢要自己搵番！」這句對白是不是很熟口熟面？就是周潤發在《英雄本色》裡的一句對白，扮演Mark哥的發哥，當時成段對白成為了香港熱話：「我衰咗三年，我等緊個機會，爭番口氣。唔係要證明話畀人聽我威，只係想話畀人聽，我唔見咗嘅嘢我想自己攞番！」

雖然子華似是有所暗示，不過究竟是實是否如此就不得而知了。