唐文龍否認同楊柳青拍拖　直言未有女朋友

唐文龍出席由香港滑水總會舉辦的香港滑水界體壇盛事，於活動期間分享對滑水心得之餘，還即場跟香港滑水隊女成員在台上示範滑水技巧，互相鬥平衡力，又在滑浪板上表演花式蹲下。對於沒有落水露兩手，只在岸上示範，他直言鼻竇炎仍未痊癒，故不能落水，謂:「因為鼻竇炎未好番，落水時水壓會令鼻入面神經痛，其實已經睇咗醫生，食咗兩星期藥，亦照了腦掃描，不過仍未好轉。」他表示之後要回美國探家人，故要繼續食藥，看看回港後可有好轉，並考慮接受手術。提到緋聞女友楊柳青有否送上慰問病情？唐文龍以「師妹」稱呼對方，笑言：「佢有關心我，師妹關心好正常。」他又大讚對方對學武充滿天份。

唐文龍亦提到以前經常跟好友滑水，不過現各有各忙，加上朋友榮升父親後，已很久沒有滑水。問到恨不恨做父親，他直言未有女朋友，強調楊柳青只是「好朋友」。至於會否教對方滑水，唐文龍則說：「唔知佢識唔識滑水喎，咁師兄師妹一齊做運動好正常。」

此外，陳嘉寶（Anjaylia）老公黃頌祈身為今次滑水比賽的主辦單位，亦有身體力行落水比賽，不過未見老婆陳嘉寶蹤影，他表示:「佢今日要做慈善活動，所以冇嚟。今日我落場比賽，輸畀新加坡同韓國選手得第五名，不過香港選手就排行第一。」提到老婆屬「防水一族」，他表示老婆也有玩過幾次滑水，但睇書寫作比較適合她。對於老婆的一班好姊妹跟他學滑水，他表示：「老婆好放心，我哋有一個group，學滑水時佢都知當時情況，而且佢好信任我，我都是專注佢哋滑水動作技巧。」