【一千零一夜】迪麗熱巴大玩Cosplay髮型似牛角包　觀眾：我餓了

內地熱播劇《一千零一夜》收視有升有跌，為了呼應喜劇題材女主角迪麗熱巴不斷大玩cosplay，在自己的夢境中虛構出唔同故事，同時亦變出唔少造型，睇到電視友都笑晒口。其中最令人難忘的是她的「牛角包」同「雞腿」造型，搞到網友都笑她戲裡戲外都顧住食，唔講仲以為係美食劇添，認真搞笑啊！

過去其實有唔少女星在劇中造型都被大家取笑，就好似關曉彤在古裝劇《鳳囚凰》的髮型被笑似「縫紉機」，搞到觀眾都冇眼睇劣評多多。相反迪麗熱巴就唔同，在劇中各種各樣的古裝造型，雖然被大家取笑似食物，不過仍獲得觀眾喜愛，最重要都是她自身條件夠好而已「人長的漂亮啥髮型都能駕駛」。

就好似在播出的第20集中，迪麗熱巴進入自己夢境扮成《倩女幽魂》中的黑山老妖，身穿黑色衣裳手攞長劍，看似霸氣十足震懾所有人。不過當睇到她頭上造型的時候，即時霸氣感漸少令人笑破肚皮，皆因她的髮型左右起角似足食物「牛角包」，詭異的設計的確令人出戲，不過既然是喜劇觀眾都接受，仲紛紛搞笑話想攞落嚟食添「果然就是個吃貨」﹑「準備好美食會看餓」﹑「我餓了」…　顏值演技並存。

其實睇落嚟似「牛角包」之外，仲發覺這一身造型極似電影《黑魔后》安祖蓮娜祖莉(Angelina Jolie)的造型，同樣大玩牛角主題而且又係黑色服裝，相似度達90%。另外，她另一個髮髻都似「雞腿」，好似綁了兩隻雞腿在頭頂上似的，各式各樣的髮型成為熱話。