吳業坤曬黑做男神 準備遠赴日本「了解」當地女生
撰文：賴家杰
出版：更新：
吳業坤下午和JW一齊出席太陽計劃活動。（陳順禎攝）
吳業坤周一（９日）出席太陽計劃活動，坤哥見到一班學生都覺得好青春，講開學生，佛牌都要問下佢讀書嘅事，坤哥回想起會考時：「讀書喜歡嘅科目成績都唔錯，但中文就唔合格，不過補考拎番個C都算唔錯。」坤哥仲講到當年如果冇參加超級巨星，自己應該會繼續讀落去，但陰差陽錯下就成為全職做歌手了。
坤哥膚色黑咗，畀人感覺似瘦了不少，早前都經常聽坤哥話要減肥，唔通終於有成績啦？坤哥就覺得應該係曬黑咗，所以大家覺得佢變瘦，「接下來拍新劇要做一個警察，所以都有KEEP坐減肥，唔想鬆泡泡去拍攝呢一部劇。」
不過人瘦咗畀人感覺亦健康咗，坤哥會唔會脫毒有望？坤哥表示：「就算唔減都...溝唔到，所以只能夠MV裡面活出真我。」講開MV嚟近坤哥都要遠赴東京拍攝唱片封面，坤哥表示當然希望到時認識更多日本女生，但對於發展就有點抗拒，「就算識到，去追都要溝通得到先得㗎，所以不了。」
坤哥準備去日本拍唱片封面。（陳順禎攝）