方力申回應KOL楊舒婷偷圖：自己才是自己的檢察官
撰文：郭芷晴
出版：更新：
方力申（小方）昨晚出席由弟弟方圓明策劃的畫展，回應了KOL楊舒婷被指偷圖當自己的旅遊照片一事。小方說：「每個人有唔同嘅玩IG方法，佢（楊）真係有去過某啲地方，但佢post相個陣就唔係post自己影個啲，都幾特別。」他又說自己也常被人指重覆用幾張圖：「成日都係去做gym，影黎影去都係呢幾個男人，跟住啲人嗌悶，啲followers就會走。」小方補充和楊舒婷只是一般朋友，並非坊間謠傳的男女朋友關係：「我同佢真係只係上次拍節目時見過幾日，之後就無係香港見過佢，我都唔知點解佢突然變左我緋聞女友。」
小方說不同人有不同用社交媒體的方法，又強調和楊舒婷不是男女朋友關係。（梁碧玲攝）
小方又謂已習慣受網民抨擊：「我覺得做人最緊要有自知之明，自己先係檢察自己嘅最佳人選。面對人身攻擊嘅時候，除非個啲人識我，如果唔係我根本唔需要理會，因為佢地都唔知真正嘅我係點。所以有時外界嘅意見係要聽，但自己都要識分邊啲聽邊啲唔聽。」
小方認為做人要有自知之明，自己才是自己的檢察官。（梁碧玲攝）
另外，小方的前女友Stephy鄧麗欣近日傳和台灣組合棒棒堂成員邱勝翊 (王子) 拍拖，對此小方亦送上祝福：「呢啲野應該問返兩位當事人，無論佢鍾意邊個，只要佢開心，我都開心。」
小方回應Stephy的新戀情，說只要對方開心，他就開心。（梁碧玲攝）