陳冠希囡囡剛病癒即瞓地飲奶　粉絲召喚秦舒培管下Edison

陳冠希(Edison)本來是「不羈」的代名詞，但自從佢做咗老竇之後，從此告別不羈，個人竟然變得非常「住家」，經常在社交網站晒女女Alaia同女朋友秦舒培嘅相，簡直係變咗「晒女狂魔」。

日前Edison在IG Po出 1歲囡囡Alaia嘅飲奶相，相中嘅Alaia瞓在地上，雙腳朝天，單手拎住奶樽，非常愜意咁嘆奶。Edison留言語帶雙關：「G.O.O.D.」可理解為讚阿囡自己飲幻好叻，同埋模仿飲奶時「Goo、Goo」聲。粉絲留言大讚Alaia可愛，仲話佢個樣似爸爸，長腿就似媽媽。

不過其實Alaia前幾日仲發緊燒，剛好返就瞓喺地板飲奶，好易攝親又會病返，粉絲都紛紛召喚媽媽秦舒培，叫佢管下Edison，唔好隨便畀小朋友瞓地下。不過畀爸爸湊細路，就預咗佢哋不拘細節。