【BB來了】李佳芯有個人育兒理念：不願隨波逐流
撰文：冼燕珊
出版：更新：
TVB劇集《BB來了》大受歡迎，女主角李佳芯（Ali）演技大爆發，獲網民大讚係視后級水準。她今天（14日）與劇中其他演員出席宣傳活動，大鬥誰是湊仔專家。
Ali 今日出席《BB來了》宣傳活動。（葉志明攝）
Ali在劇中飾演神經質新手媽媽恬恬，每有身邊人做唔到要求，或做了有機會令BB受到傷害的事，她就會情緒崩潰，Ali在現實中雖然未做媽媽，但她說自己跟劇中的角色相反:「現實中嘅我係唔識嗌交，所以拍每一場嗌交戲都有啲吃力，如果我真係有小朋友，我係由得佢天生天養，我會關心佢，會唔會肚餓、凍親、熱親，會唔會學壞，但其他事我會放手，因為每一個生命都有屬於佢嘅經歷，我會教佢做一個好人，但唔會管束佢。」
Ali與劇中拍檔黎諾懿大玩遊戲。（葉志明攝）
但劇情反映香港現時的育兒大趨勢，香港父母都因而受到影響，身不由己地隨波逐流，Ali打算行放任政策，也許不容易，她說:「我覺得最緊要知道自己嘅諗法， 相信自己嘅信念就唔會咁容易被動搖。」
Ali指自己與劇中神經質的新手媽媽相反，現實中的她會採取放任的育兒政策。（葉志明攝）
現實中Ali雖然有自己一套育兒理念，但始終劇情都比較寫實，在拍攝期間，有無一度被自己所演嘅角色嚇怕呢？「我拍呢套劇嘅時候，一度因為入戲而有好多幻想同憧憬，我第時如果有咗小朋友會點會點，但隨著拍攝完畢，自己都返嚟現實，現實係都仲會有好多工作，在事業方面依然想衝刺，好快就打消咗呢個念頭。」
事業正值高峰的Ali， 表示未有結婚生子的計劃，希望能在事業上在衝刺一下。（葉志明攝）
+3