【 全民造星】側田擔任星級導師：教唱歌我真係唔識
撰文：吳子生
出版：更新：
ViuTV全新一輯打造新一代超級偶像綜藝節目《good Night Show 全民造星》，起初由99位型男經首輪經過淘汰後，30型男將會全方位接受星級導師進行特訓。
今年側田將會有新歌面世（陳順禎攝）
大會更邀請歌手側田擔任評審，更化身成為導師為每位參賽者進行改造。「雖然話我係導師，教唱歌呢啲野我真係唔敢當，因為我真係唔識嘅，所以主要都係要佢地享受舞台，都只不過係分享下我嘅經驗，最重要畀多啲自信心佢地，大陪分都係緊張，而影響到佢地嘅表現，所以我會灌輸佢地要知道，係台上要享受，先要擺脫緊張情緒。」
側田獲邀做Viu TV《good night show全民造星》星級導師（陳順禎攝）
初賽99位型男參賽者需要進行首輪淘汰賽，作為評審之一的側田來說，這個任務相當艱巨。「其實有幾個啱啱被淘汰咗嘅參賽者，我覺得係非常可惜，佢地本身好有潛質,但往往一表現嘅時候，發揮得唔好，「眼哨哨」個人好唔定，手又震，就算唱得幾好都冇用，比賽就係比賽，現實就係殘酷。」