陳嘉桓地獄式訓練減肥成功：我事業心都好重

陳嘉桓今日現身旺角太子出席雪糕品牌活動。早前因拍網劇《反黑》 暴肥，水腫難分，經過一連串地獄式訓練，收身成功。「最近有拍《大玩特玩》節目，佢地成班人都話我瘦咗，到今日我就敢同佢講我會著泳衣，因為我之前都係著一件頭泳衣，佢哋就話我：「你今年終於show番條腰喎。」泳衣方面又唔可以太性感，雖則本身自己事業心都幾重嘅，但因為要做節目，我想拍出嚟效果健康性感平民化啲，等我去旅行嘅時候，先攞個事業心出嚟啦。」

早前有傳因拍網劇《守護神》暗撻黃宗澤，還在深夜探訪黃宗澤火炭晉名峰寓所。「平時都有揸車代步，嗰日Bosco問我一唔一齊睇波，就叫我去佢間餐廳集合，仲有啲圈中朋友，然後就跟住佢車尾返晉名峰，當晚兩點開波睇完之後就走咗啦。」嘉桓被問到同Bosco有冇發展空間？嘉桓話：「我同Bosco本身都認識咗好耐，佢條件都好好，唔明點解佢仲未有女朋友，不過我暫時同佢發展空間就有啲難道，依家都係專注係工作方面，其實佢哋都當我係男仔咁睇，啲朋友成日笑我男仔頭，好難介紹男仔畀我識，所以我都同佢哋講，依加擇偶條件要識煮野食嘅。」