劉佩玥揸車胡鴻鈞唔敢坐：佢性格好狂野
撰文：賴家杰
出版：更新：
胡鴻鈞（Hubert）今日（17日）出席道路安全活動，活動更加邀請一眾長者參與，Hubert更為一眾老友記唱歌，問到Hubert他是否一位安全司機？Hubert自問自己都係一個安全道路使用者，「我自己都有揸車，都好鍾意揸車，但你問到我有冇畀人扣過分呢？有嘅，因為我有時候揸車太攰，係到諗野，所以就超速都畀人扣分，不過宜家自己會更小心。」
胡鴻鈞（Hubert）今日出席道路安全活動（賴家杰攝）
但唔知道Hubert身邊有冇朋友係公路炸彈呢？Hubert講到係冇嘅，但揸車比較快就有，「我作為佢哋嘅乘客都驚，會好多左穿右插，所以都會提佢哋唔小心啲。」咁眾所週知Hubert同吳若希及劉珮玥都係好朋友，佢哋經常感覺畀人都瘋瘋癲癲咁，但佢哋揸車會唔會同性格一樣？Hubert解說：「吳若希坐過佢車，安全嘅，但Moon就未坐過，但佢性格比較狂野少少，所以都唔敢。」
Hubert大爆身邊朋友揸車都好快。（賴家杰攝）
都知道早前Hubert同劉珮玥去馬來西亞拍綜藝節目，節目主題係遠離電子產品30小時。現代年輕人就經常機不離手，近乎唔可以離開電子產品，會唔會都難到Hubert呢？Hubert指自己問題唔大，不過對Moon嚟講有難度，「佢有兩部手機囉，大家可以估下佢辛唔辛苦啦，佢好忙，佢成日同我解釋話出新書，所以好多工作要忙，我算係咁啦，幫佢宣傳新書。」
早前Hubert同劉珮玥去到馬來西亞拍綜藝節目。（賴家杰攝）