【多圖】何超蓮孖周柏豪推環保飲管 被讚即時紅都面晒！
撰文：黃欣華
出版：更新：
賭王三房千金何超蓮除咗出晒名樣靚身材正之外，識做生意之餘都好注重環境。日前超蓮就喺Instagram上載咗一段同好友周柏豪喺自家食店推廣不鏽鋼吸管，一齊響應環保。
何超蓮孖周柏豪現身自家食店。〈何超蓮IG影片截圖〉
片中柏豪除咗力推不鏽鋼吸管，仲不忘大讚超蓮係個環保嘅好老闆，搞到超蓮當場紅都面晒！
柏豪搞到超蓮當場紅都面晒！〈何超蓮IG影片截圖〉
對於好多網友留言質疑不鏽鋼吸管嘅清潔問題，超蓮都好有耐性留言一逐解答，仲承諾大家一定會將不鏽鋼吸管高溫消毒，等大家飲得安心。
超蓮：人手每根吸管清潔！〈何超蓮IG影片截圖〉
亦有網友講笑問超蓮飲緊嗰支可唔可以唔洗，超蓮就回覆：「慘了，已經洗乾淨了！哈哈哈哈！」果然靚女成日都會被人撩呀！