【入住請敲門】雲頂三星酒店特設VIP樓層 免費都唔好住
撰文：鄺鈺瑩
出版：更新：
林婷於雲頂接連挑機猛鬼酒店。
雲頂到底有邊間酒店可以安心入住？（網上圖片）
雲頂除擁有馬來西亞最大賭場之外，亦擁有猛鬼酒店，《入住請敲門2》林婷今集繼續留守雲頂，並挑戰擁擁有6千多間客房的三星級酒店。網絡上流傳著該酒店「消失的21樓」故事，有指酒店分A、B兩棟，但A棟電梯按鈕不設21樓，傳說是因為21樓曾發生過命案，清潔工人整理房間時，在床底發現一具女屍立即報警處理，酒店怕生意受到影響而全面封閉消息。但之後凡入住21樓的客人都會遇上靈異事件（例如隔壁房整晚都非常嘈吵，但實際上根本沒人入住）。酒店最後決定將21樓封閉不再對外開放，電梯按鈕亦不存在21。
酒店對外宣稱21樓是VIP行政樓層，但網民試圖搵出行樓梯去21樓，但發現呢層樓根本不存在。（網上圖片）
另外網上亦有傳聞指，唔少賭客因輸錢而在酒店跳樓，屍體太多被「卡」在七樓的橫樑上，故七樓的客房特別猛鬼。此外，網上亦有傳聞指曾經有一對夫婦住客因輸錢而帶同女兒輕生，房間從此不對外開放，但曾試過因為全酒店爆滿而將客人安排入住該房，結果住客隔天無故死去，酒店從此用水泥將這間位於8樓的房間封起。酒店傳聞多多，林婷仲要於房內玩「一個人的捉迷藏」，好驚驚喎。
住過該酒店的遊客多數都給予負評，認為房間太細、唔乾淨。（網上圖片）
猛鬼酒店有不同的房形，價錢由兩百元港幣起，之不過，官網提供的圖片同遊客所拍的實照其實都差幾遠。