大劉爆粗怒剷𡃁模冇捉實扶手 許珮榆解畫：佢驚我隔空撞到個仔！
撰文：陳栢宇
出版：更新：
「大劉」劉鑾雄被指與27歲模特兒許珮榆（Diva）在希慎商場爭吵足足十分鐘，原因是大劉不滿Diva忙於用手提電話打字，未有捉實扶手電梯上的扶手，期間更有人鬧Diva：「積你個福！積你老母！佢受傷係咪你賠呀？」指她不扶住扶手會撞到小朋友。Diva接受《香港01》訪問時便講述當時情況：「嗰時大劉喺扶手電梯上，話我睇住部電話，驚我可以隔空撞到佢個仔，所以就嘈起上嚟。」至於態度是否惡劣？Diva答謂：「態度梗係惡劣啦，好似想食咗我咁，我都冇撞到佢個仔。」而她接受傳媒訪問時，又指對方鬧她是「整容怪物」，更被對方用粗口鬧「戇XX」。
「大劉」劉鑾雄最近與模特兒許珮榆發生爭吵。（視覺中國）
此外，Diva亦在社交網站交代事件，她寫道：「因為在扶手電梯上我大劉的兒子是有點距離的，所以關於我拿不拿手機看電話根本不會影響到他。」她指自己好聲好氣跟對方說自己有睇路，但對方失控爆粗：「我想講如果我係一個鍾意做新聞嘅人，我唔需要等到依家，我係8年前四葉草的時候就要開始做新聞了， 我可以炒緋聞今天和那個男明星一起，明天和那個富二代呀土豪一起，去拉高自己的名氣見報，可是我沒有。」
許珮榆在網上回應事件，堅稱自己與大劉兒子有一定距離。（facebook）