有傳鄭俊弘何雁詩拒絕續約星夢？ Fred：炒作新聞 全部都喺假！
撰文：吳子生
出版：更新：
《Big Big Channel大公司周年慶》一眾演員昨日現身電視城，率先為Big Big Channel慶祝一歲生日，出席演員有鄭俊弘、胡鴻鈞，蔡思貝，馮盈盈，麥明詩，湯洛雯等人。
鄭俊弘近來為新歌忙宣傳。 （吳子生攝）
近日報導有傳何雁詩不滿工作量少，拒絕同星夢娛樂續約。鄭俊弘為女朋友何雁詩回應相關傳聞：「自己有睇報導，都覺得幾無聊，唔知點解呢啲新聞可以炒作得到，絕對冇呢啲事情發生，自己同佢都有合約在身啦，我哋簽得畀大台就唔會只得幾年合約嘅，冇呢啲咁嘅事情，全部都喺假嘅。」
鄭俊弘讚何雁詩打哥爾夫球好專業。 （吳子生攝）
早前鄭俊弘因負面新聞，引至形象插水，經過一段長時間調整之後，終於重新出發：「對我嚟講，之前一啲負面新聞係有影響，起初都會有諗大家點睇我，日子都要過，我控制唔到人哋點睇我，但我都會搭車，都會見到其他人，佢哋都會同我講叫我加油，叫我一齊合照，觀眾係知道發生緊咩事，邊啲係真，邊啲係假嘅，希望嚟緊用我嘅表現及專業音樂送畀大家。」
雖然早前受負面新聞影響，但Fred已釋懷，繼續投入工作。 (吳子生攝)