【延禧攻略】緊接《BB》「出世」周日都播 《十二傳說》要讓路
撰文：陳栢宇
出版：更新：
但搵其他配音員為《延禧攻略》余詩曼配音，效果不會很怪嗎？（劇照）
今個Summer真係「Amazing Summer」……是「Confusing Summer」才對！原因是無綫節目編排改完又改，繼余文樂主演的《冒險王衛斯理之無名髮》頂替譚俊彥做男一的《特技人》接捧《天命》的計劃後，最近無綫又再次變陣，原本《BB來了》播完後會播安以軒等主演的內地古裝劇《獨孤天下》，而劇集亦將於8月6日首播，點知另一套內地古裝劇《延禧攻略》突然搶走這個時段，而內部員工通告亦已經證實消息！搞到配音組只得兩個星期去趕錄《延禧攻略》粵語版聲帶，淨係聽到件事都覺得頭痕！
蕭正楠稱自己不知道其主演的《十二傳說》因《延禧攻略》插播而押後出街時間。（資料圖片）
最令人出奇的是《延禧攻略》因為集數極長，以愛奇藝版本為例便足有70集，搞到無綫方面要再次出動「日至五」的播法，一星期播足6日，才有機會趕在11月台慶前播完整套劇集，令原定8月12日（星期日）首播的《十二傳說》都要讓路。而無綫方面已經出通告押後《十二傳說》宣傳期，不過蕭正楠就接受《香港01》訪問時便坦言不知道公司最新安排：「我唔知呀真係，有啲咁嘅事？我今晚都仲要返公司配音，等我問問PA先。」阿蕭經過了解後，再回覆記者：「我收到風喇，但係而家所有嘢要下星期開大會先決定到，所以暫時仲係未知。」
《十二傳說》以香港都市傳說為藍本，大家睇以下圖輯，認得幾多個？
+3