劉心悠清涼背心宣傳 《再見．女人街》做搬運女神：搬嘢都要智力
撰文：彭嘉彬
出版：更新：
《再見．女人街》今日進行開鏡拜神儀式，戲內一班演員包括劉心悠、吳卓羲、廖啟智等亦齊集於女人街。在30度高溫下，劉心悠身穿一件白色淸涼小背心出席，吸引了近300名市民圍觀拜神儀式。《再見．女人街》由劉心悠、吳卓羲兩人主演，看似弱質纖纖的劉心悠在戲中居然飾演一名搬運工人。
劉心悠今日著住白色清涼小背心，佢話自己衣著上面「進步」咗。（林迅景攝）
+6
劉心悠接受《香港01》訪問時說：「其實對於搬搬抬抬，大家都有個誤會，以為做gym嘅身形先至可以。其實唔係㗎，因為搬嘢係需要智力，有智慧先知點樣去搬貨。」吳卓羲問道：「有冇諗住去操下？」劉心悠解釋說：「因為我想畀一個感覺，就係弱質纖纖都可以搬到。（套戲可以見到心悠抬住兩包米搬貨？）兩包米濕碎。」吳卓羲補充：「仲要兩桶油兩包鹽。」劉心悠：「哈哈，可能係好細包嘅米。」
劉心悠表示，自己都會為電影操Fit啲。（林迅景攝）
出生於台灣的劉心悠，自言很少踏足旺角，所以上星期就應導演要求到旺角親身感受一下。「導演就俾咗一個任務我，要我用$100去講價買嘢。我就睇中咗個按摩器，但係個老闆就話件嘢太貴，唔可以$100賣俾我，講唔到價，所以最後個任務失敗左。」又謂自己從未去過旺角行人專用區，吳卓羲更為心悠親自解䆁旺角行人專用區的典故。
原來劉心悠好少落旺角，吳卓羲仲好耐心咁解釋乜嘢係旺角行人專用區同埋「4樓有乜乜」係點解。（林迅景攝）