【入住請敲門】馬來西亞怡保鬼故特別多 義莊酒店邊個會住？
撰文：鄺鈺瑩
出版：更新：
林婷今晚仲會勇闖位於巴占龍馬花園（Taman Rima Gamilan）的排屋，有指呢間屋半年多發生過20幾次火 災，多番來查證後，當地消防員將起火原因列為超自然因素。
相信有去過馬來西亞的朋友都吾會對怡保呢個地方感到陌生，皆因呢個地方以美食聞名，《入住請敲門2》林婷離開雲頂之後，轉場挑機怡保猛鬼酒店。呢間位於Jalan Raja Dihilir路上的酒店，房價大概2百多元港幣，平就係平，但評價麻麻，而當地司機更有不成文規定指，如果夜晚有身穿紅衫女子截車話要去酒店，就一定要拒載。至於網上就有遊客指除房內的燈會無故開關之外，並有人曾經聽到噪音、耳語甚至係尖叫聲，但從來都搵唔到聲音來源。另外，亦曾經有客人睡在自己的房間，醒來時卻在另一個房間，亦有傳不時有客住見見到走廊有個老女人行來行去。
酒店位於Jalan Raja Dihilir路上。（網上圖片）
點解會咁猛呢？相信距離酒店一分鐘腳程都無嘅義莊有關，從Google map上看，呢個義莊有成個足球場咁大，而網上流傳於義莊對面的泰國廟住持，已經有好幾個因病離逝，而在廟旁的商店，好多都做唔長。不過，最癲嘅係呢間位於義莊旁的酒店，曾經有客人被五花大綁槍殺。睇嚟入住呢間酒店除咗要唔怕鬼之外，仲要唔怕死先得。
由Goggle地圖所見，酒店旁就已經係義莊。
義莊範圍有成個足球場咁大。
除猛鬼酒店外，林婷今集仲會去到位於保怡的巴占龍馬花園嘅排屋，該屋曾在半年內多次發生火災，由於屋已沒有電力供應，所以對於電器無故起火，當地消防員都無法解釋，有指就屋內的空碗空碟都會突然起火，試過有消防員想走到上層救火時，卻在樓梯被一股力量阻止，亦有居民指，火警發生時，上層會有玻璃碟不斷拋出，似在阻止救援工作。附近的居民雖然曾請喇嘛念經，但火災仍舊頻生。有指是因為屋主生前因一時貪念已養鬼仔，但在達到目標後對鬼仔不理，而令鬼仔做出引起他人注意的舉動。