【入住請敲門2】芭堤雅猛鬼酒店唔止一間 喬寶寶同女鬼面貼面
撰文：鄺鈺瑩
出版：更新：
莫竣名雖然大膽，但在芭提雅的猛鬼酒店都被怪聲嚇到爆粗。
沙膽哥莫竣名挑機完芭提雅碎屍別墅後，最新一集《入住請敲門2》轉戰曾經發生火災嘅酒店，該酒店位於Jomtien Beach一帶，房價約為5百港幣左右，唔少遊客入住後都給予滿意的評價。
97年火災之後，酒店成為「芭提雅猛鬼酒店」。（網上圖片）
之不過，呢間酒店原來曾在97年發生火災，導致91人死亡。雖然酒店重新裝修並改名，但仍被封為芭堤雅最著名猛鬼酒店，有指酒店更將二樓同四樓空出以供「另類客人」入住。不過，原來都只係傳聞一則，但當莫竣名於節目中，步入二樓準備行去ballroom時，天花突然發出巨響，似乎係警告佢要止步，嚇到佢個心離一離。
當年火災燒死91人。（網上圖片）
另外，同樣在芭提雅、一間鄰近Royal Garden Plaza Pattaya商場的酒店，雖然《入住請敲門2》未有去到挑機，不過喬寶寶就曾經在《恐怖視線》分享過其經歷，他表示當時與大台藝人同房，瞓覺時習慣用被蓋頭的他，聽到一陣嘈雜聲，以為是朋友聯手開玩笑，但在他揭開被時，只見一名面如死灰的女子向他靠近，由於全身動彈不得，所以連燈都開唔到。