【天命】何雁詩拒續星夢解畫：之前係少歌出 但我冇放棄自己事業

何雁詩現身馬鞍山為無綫《天命》宣傳活動造勢。近日有傳何雁詩拒續約星夢，何雁詩就傳言回應：「其實有咁嘅傳言，係因為我之前係傾續約嘅時候，有一段時間係放低咗，我係一個有思想嘅人，老闆又有思想嘅人，咁大家都想溝通過，理解呢幾年合作會唔會順利呢，咁所以先簽約，咁可能係嗰段時間傾續約問題係擺咗一陣，所以大家懷疑我冇續約，其實一路都有續約嘅，不過今次合約年期又唔會太長嘅。」

一直有傳何雁詩遭星夢娛樂捨棄，一段時間沒有新歌推出，長時間被遺忘，心灰意冷。何雁詩話：「之前啲歌係真係出少咗嘅，可能係傾嘅時候，大家都希望傾到滿意為止，依加大家都傾到happy，之前傾嗰段時候，係冇乜歌出嘅，但一路都有拍劇嘅，頭半年係花咗啲時間去打波，嗰段日子，並唔係放棄自己嘅事業，但出人意料之外好啦，因為嗰段時係畀自己在事業高低潮中，令自己情緒平靜啲，依家嚟緊有新劇拍又有新歌出。」