【過街英雄】江嘉敏榮升女二 傳與余德丞撻着：拍完之後冇聯絡
撰文：郭芷晴
出版：更新：
江嘉敏 (Kaman) 今日 (25日) 出席新劇 《過街英雄》造型發佈。Kaman今次會飾演一位「好靚的港女」：「我個角色係鐘意痴埋啲二世祖到，因為劇入面我家人都係好拜金個啲，佢地好鼓勵我去揾啲富二代。」角色設定和Kaman平時的純情乖女形象截然不同。為此Kaman也作出了很大「犧牲」：「我將我一頭及腰長髮剪到及肩，剪個時候我都眼濕濕，跟住我成個幾兩個禮拜無出街，因為對上一次短髮已經係小六定中一，所以有啲唔習慣。」
Kaman為拍劇剪掉一頭長髮，剪頭髮時自己都眼濕濕。〈陳順禎攝〉
至於Kaman口中的富二代便是周志康，這次也是兩人第一次合作。「佢打扮起上黎都幾似一個富二代，又幾靚仔。」Kaman近年備受無綫力捧，這次更當上第二女主角，但Kaman本人似乎還不知道自己是第二女主角：「吓係我咩？我唔知喎，應該係掛！其實公司一直都有俾好多機會我，之前拍完《兄弟》休息咗半個月，宜家再拍返劇。」近日有傳Kaman因同余德丞拍劇撻着，但Kaman則表示兩人只是普通朋友：「我地拍劇個時有交流同食飯，不過之後就無聯絡。」
Kaman說和余德丞是普通朋友。〈陳順禎攝〉