【動漫節2018】「野生捕獲」翻版林明禎Miko 最愛漫畫係《風雲》

撰文:林迅景
出版:更新:

動漫電玩節2018今日開幕,吸引了不少動漫電玩迷進場參觀,而早前也有在書展亮相的「翻版林明禎」Miko Wong亦有到場,支持著名漫畫家馬榮成先生作品「風雲」的攤位。Miko接受《香港01》訪問時説:「馬來西亞都有動漫展,但係就冇香港咁多嘢睇。」

Miko除了喜歡漫畫外,原來也愛「打機」,她最近更迷上了手機遊戲「食雞」。(黃國立攝)

Miko自言,她從小就喜歡漫畫:「我以前都有睇漫畫,表哥成日睇嘅《風雲》或者《中華英雄》我都鍾意,佢買咗之後我就會搵嚟睇。(你表哥有冇買漫畫刀劍?)有吖,佢都有買,仲有模型嗰啲嚟收藏。(你係搞破壞嗰個?)冇吖,我細個會幫佢啲模型抹塵。我未嚟過(香港)動漫節,所以我專登同公司講想嚟睇下《風雲》。」

寫真宣傳過後,Miko就要回大馬繼續網劇的拍攝,之後更會在《Yes!》開拍的《城市驚喜》中擔任女主角。(黃國立攝)