【動漫節2018】林泳淘Cosplay要經檢閱 男友第一眼見到咩反應?

撰文:林迅景
出版:更新:
喺屋企見到林泳淘咁著,佢男友應該會好開心。(Instagram圖片)

動漫電玩節2018今年有一班TVB藝員擔任大使「Godlike Girls」,昨日(29日)林泳淘出席Cosplayer大賽頒獎嘉賓時,接受《香港01》訪問:「我以前成日都望到啲cosplayer,佢哋真係好靚,超級鍾意吖。今年終於有機會着Cosplay衫,但係cos完之後發覺係超級辛苦,因為所有頭髮衫同埋道具都好重,所以玩咗幾粒鐘之後係攰到崩潰。」林泳淘也表示,希望下次cos的會是男角,例如《東京喰種》的「金木研」,道具沒這麼多又比較輕鬆。」

成班Godlike Girls着cosplay落蘭桂坊,淨係幻想下都覺得開心。(梁碧玲攝)

被問到男友有否親眼看過自己着cosplay時,林泳淘說:「我套cos返咗之後,我已經喺屋企着俾佢睇。(佢有咩評語?)唔記得咗啦喎,哈哈哈,我哋呢啲老夫老妻。(反應?)佢應該係屬於外表好平靜,內心好激動嗰種。佢係:『哦,唔...轉個圈嚟睇下。唔...冇走光,好好。』(之後會着多啲俾佢睇?)我唔知吖,你問佢啦,哈哈,不過我哋成班Godlike Girls約咗萬聖節一齊着cosplay 去蘭桂坊玩。」

林泳淘話下次想「女扮男裝」,仲好自信咁話一定會好靚仔。(梁碧玲攝)
+4