Ella陳嘉樺不續約S.H.E面臨解散? 股價大跌成罪人:怕遇到股東

撰文:洪曉璇
出版:更新:
做咗媽媽之後,ELLA好多時都係單飛工作。(視覺中國)

2000年前後,兩岸三地出現好多隊女子組合,香港有TWINS,而台灣代表一定係S.H.E。S.H.E三位成員感情好比家人,一齊經歷各種高低起跌,但日前傳出Ella(陳嘉樺)將離開合作17年嘅唱片公司,同老公賴斯翔自組公司「勁樺娛樂」,「S.H.E恐解散」、消息甚至令華研股價大跌。呢日Ella終於現身公開活動親自回應。

S.H.E對上一次齊齊演唱,已經係17年大除夕。(視覺中國)

對於動向細節,Ella透露仍在洽談,同時大派定心丸:「就像老公說的颱風也吹不散我們,S.H.E是我的命,解散就是要我的命。我們很久沒合體,大家也等了很久,但我覺得大家不用擔心這個,感情在,團就不滅,只要我們3個有那個心,如此認定對方,S.H.E永遠不解散。」對於續約一事Ella語帶保留,只係話公司唔係夫妻檔而係老公自己開,合約問題會留待9月中秋節時公佈。

睇返IG對上次三位合體,係為ELLA慶祝生日。(ELLA IG)

對於出走消息令唱片公司股票跌停,好姐妹Hebe日前出席活動笑言:「如果我是華研股東會把Ella掐死」,對此Ella笑言:「希望股東手下留情,不可以不可以,我什麼話都沒有說就要被掐死。」Ella講笑話好驚遇到股東,Hebe宦3話後悔亂講嘢,自告奮勇做佢嘅保鑣。

近來ELLA出席活動,老公都陪伴左右。(視覺中國)
+6