【入住請敲門】曼谷醫院失火後怪事連連 恐怖到連賊都驚呼撞嘢

撰文:鄺鈺瑩
出版:更新:
《入住請敲門2》就快去到尾聲,唔少觀眾都好期待嘅醫院終於出現!

《入住請敲門2》播到第13集,今晚莫竣名去到一間位於泰國Navanakorn嘅荒廢醫院,唔少茅山師傅都話過醫院比墳場更凶猛,有傳呢間醫院曾經因為失火而燒死好多人,之後唔少醫生同護士都因為接連遇上怪事而離職,醫院雖然荒廢,但就有好多貴重嘅儀器留下,負責嘅看更話試過有賊人因偷嘢而跌到斷手斷腳,亦有試過跑住落嚟話見到『有嘢』……醫院如此出名,唔少靈探節目都曾經入去探險,有主持人試過不適大吐後,發現衣服背後有大量白色液體,亦有主持人在醫院內照鏡時,見到鏡中出現一個老年男人……

呢間醫院地面嗰層其實仲係打開門做生業,莫竣名話因為當地賣藥需要牌照,所以用得唔好嘥,有鬼都係咁話……

話就話猛鬼,但呢間醫院嘅地面一層其實仍在營業當中,莫竣名接受訪問時都話十分佩服經營者,因為只係一層樓梯就已經係另一個世界:「佢哋住埋在該處,唔知點解咁大膽,但我見擺咗好多佛像,我懷疑佢哋都知有幾猛,但問佢哋又話無嘢,仲叫我哋唔好諗咁多,唔知係扮定乜。」莫竣名又表示院內有唔少玻璃樽,「入面有啲爛溶溶嘅嘢」,雖然在內未遇上怪事,但他指感覺麻麻哋,並謂氣氛都幾恐怖。

有馬來西亞電視台去年就曾經進入猛鬼醫院靈探,兩位主持人事後都感到身體不適

+4