【港姐2018】23歲杜愛恩愛情經驗值零：幾時拍拖就交畀上帝
撰文：林迅景
出版：更新：
《2018年香港小姐競選》將於月底舉行，而20位佳麗今日便應邀參加節目《後生仔傾吓偈》錄影。為節目擔任主持的兩位港姐師姐馮盈盈和麥明詩一向轉數高講嘢叻，所以一班佳麗都晨早便預料到要被兩人「質問」，所有私人事、感情事隨時被「擺上枱」。候選佳麗6號杜愛恩接受《香港01》訪問時就直言不怕考驗：「我諗佢哋都係問愛情同埋生活上嘅問題。（驚唔驚問到啲尷尬嘢？）唔驚，因為我都冇。」
杜愛恩本身係音樂作曲家，喺外國仲攞過好多奬㗎。（林迅景攝）
講到愛情、拍拖，原來23歳的杜愛恩仍然是「白紙一張」，她解釋自己在學業和事業上都得到滿足，所以沒有接受别人的追求：「讀大學嘅時候，都有人追過我，不過拒絕咗。」她又提起有一次被大學同學求愛的經歴：「嗰時佢係送玫瑰同紫色嘅花，我記得嗰次係做模擬法庭，我係做一個模擬嘅大律師，個男仔就係我上完庭之後，眾目睽睽之下拎咗摘花入嚟，呢樣嘢都尷尬嘅。（反而覺得尷尬而唔係感動？）係吖。（拒絕咗之後，個男仔有乜反應？）佢都係一個Gentlemen，佢明白咗之後就知難而退。」
其實33歲未拍拖都唔出奇，專注事業吖嘛。（林迅景攝）
杜愛恩更指自己35歲才考慮結婚問題：「幾時拍拖呢樣嘢就交畀上帝，不過嚟緊呢幾年我都唔想拍拖。（唔驚太遲冇追求者？）唔擔心多少，我覺得適合嘅一位就夠。」
杜愛恩仲話已經拒絕過唔少追求者。（林迅景攝）
就係呢兩位師姐出招「刁難」一班師妹：
+3