【港姐2018】Honey Ho防曬心得 點樣「唔使做Facial」又黑得靚
撰文：林迅景
出版：更新：
香港小姐2018競選8月26日舉行，為了深入了解20位佳麗以及考驗她們的急才，今日TVB更安排她們到由馮盈盈、麥明詩、陸浩明主持的《後生仔傾吓偈》接受「嚴刑迫供」。何泳芍（Honey Ho）接受《香港01》訪問說：「有少少緊張，事前都有諗下自己有咩經歷可以講。」
Honey Ho以一身健康膚色而令人印象深刻。（林迅景攝）
需知道Honey Ho憑著一身健康膚色，在初選時就已備受關注，小時候更因膚色深淺而受同學冷言冷語，但由Honey參選起，不少網民就認為她「黑得靚」，又有自信。Honey在訪問中就分享了一些小心得予有健康膚色的女孩們。「其實我都有搽防曬，唔係話曬黑嘅問題，而係太多陽光係好有害。」
訪問正式開始前，Honey Ho仲自嘲話：「（個鏡頭）會對焦唔到。」睇嚟佢完全唔介意自己膚色偏黑。（林迅景攝）
Honey Ho續説：「曬得太多又冇防曬，其實啲仔毛孔會粗大，但係黑唔黑呢個我就由天囉，哈哈。我就冇做facials嘅，但係就有做保濕囉，我自己本身係乾性皮膚，同埋矖得多係會乾啲。（有冇Tips俾皮膚稍黑嘅女仔？）飲多啲水，對所有女仔都係嘅，唔止黑，同埋笑容就係最好嘅保養囉。」
+5