同胡定欣「姊弟戀」緋聞震驚電視城 張振朗：最慘係乜都冇做過
撰文：林迅景
出版：更新：
張振朗胡定欣這對「情侶」的緋聞實在震驚整個將軍澳。日前（3日）張振朗錄影《美女廚房》時接受《香港01》訪問，就回應了有關傳聞：「其實都解釋過好多次㗎啦，唔係囉。其實由我拍《愛．回家》開始，每套劇都會出現一個緋聞女友，好多時候我都係睇完笑下就算。（都幾開心喎，成日有緋聞。）唔開心㗎，最慘係乜都冇做過就傳緋聞。」
其實睇真啲張振朗同胡定欣都幾登對，冇嘢係冇可能㗎嘛。（林迅景攝）
俗話說：「感情嘅嘢邊話得埋」。現階段不是情侶，也難保將來不會變成情侶。不過張振朗對住胡定欣就似乎是「耍手擰頭」般拒絕。「唔好啦⋯（你同定欣感情幾好吖。）我同包大人（譚俊彥飾）、子羚、阿廉、定欣，我哋5個都好似兄弟姊妹咁，所以得出個新聞都幾好笑。（定欣對你嚟講係家姐定細妹？）嘩！呢個問題答咩都死。大家係兄弟姊妹咁囉，冇分家姐定細妹。」
張振朗笑住講「唔好啦」，大家信唔信？（林迅景攝）