【再見·女人街】莊端兒求學期旺角遇色情狂：可能我比較早發育
撰文：吳子生
出版：更新：
電影《再見·女人街》一眾演員吳卓羲、劉心悠、廖啟智、莊端兒、胡渭康、現身旺角女人街進行拍攝工作。在戲中女強人莊端兒與上市公司主席胡渭康飾演一對有錢夫妻，兩公婆經常因感情問題鬧不和，呢場戲講述莊端兒女兒被人綁架，終日以淚洗面。莊端兒表示：「因為喺戲裡面同胡渭康經常會因感情問題嘈交，連場喊戲，要令自己容易喊，我會諗起屋企人，如果佢哋唔再喺我身邊嘅時候嗰種難過，我就會好不期然喪喊，因為屋企人對我嚟講好重要。」
莊端兒在戲中飾演上市公主席胡渭康太太（葉志明攝）
香港旺角小區售買潮流服飾，產品包羅萬有，是深受香港年青人歡迎的地方。莊端兒直言：「以前成日嚟，外國朋友嚟香港，我都會帶佢哋嚟行，好記得有一年讀緊書嘅時候，身穿校服喺旺角彌敦道，路邊報紙檔睇緊書，突然之間發覺身邊有一名男子，年約20至30歲，成個人靠向我，於是乎避開，然後我沿路一路行，我都唔夠膽行入啲巷仔度，一路沿住彌敦道行，發覺佢跟住我，當時好驚見到有巴士即刻上車，都唔理架巴士去邊啊，上到巴士上層望落去，見到佢喺度周圍搵我，嗰下覺得好心寒。」
莊端兒同貝依霖合作，而成為好友（葉志明攝）
最近莊端兒被杜汶澤招攬，合作主持「杜汶澤喱騷Chapman To’s late show」，有傳「澤女郎」貝依霖因此失寵，傳出佢為求收復失地，唯有展露出最強事業心。對此莊端兒就笑言得啖笑：「我哋不知幾好朋友，拍完嘢我哋仲一齊搭車走，我哋互相欣賞，我哋都以性感作為賣點，會各出奇謀，應該喺要咁，相信最大得益係大家。」