鄧紫棋生日男友閨蜜送驚喜 齊齊Rap妹上身扮阿G.E.M.
撰文：冼燕珊
出版：更新：
歌手鄧紫棋（G.E.M.）近日為節目內地選秀節目《中國新說唱》擔任導師，唱功再次受到注目，而佢近期都為配合節目，行女Rapper造型。今個月16日係佢26歲生日，一班好姊妹包括王君馨、鍾舒漫、鍾舒祺及女友人就為佢提早慶生，幾個女仔非常有心思，日前打扮成Rap版「鄧紫棋」去到G.E.M.屋企樓下，突襲送驚喜畀壽星女！
鄧紫棋（G.E.M.）4位好姊妹包括王君馨、鍾舒漫、鍾舒祺及女友人為佢提早慶生，齊齊扮成阿G.E.M.，男友阿Mark 負責揸機。(IG圖片)
四個女仔照足阿G.E.M.近期嘅Rap妹造型，整個黑人辮仔頭，着上格仔衫同戴上太陽眼鏡，Chok晒Pose喺走廊影相，好似有五個鄧紫棋咁。阿G.E.M.喺IG留言話好驚訝門鐘一響就見到佢哋：「四個鄧紫棋突然出現在我門前😱#今年生日的第一個驚喜#全都是紫棋#中國新閨蜜#紫棋說得對」而負責揸機嘅就係阿G.E.M.嘅造型師男友Mark，鍾舒棋仲大爆話「阿Mark 都係鄧紫棋」，睇嚟連男友有同成班姊妹夾定呢！
G.E.M. 造型師男友Mark。(IG圖片)
+7