【廉政行動2019】林超賢加《十年》導演炮製 打造電影級數劇集
撰文：賴家杰
出版：更新：
33億票房導演林超賢今日（8日）以監製身份出席TVB新劇《廉政行動2019》造型活動，眾所週知，林導演的作品出名多動作場面，亦製作超認真，他表示今次肯做監製，因為無綫講明會揼水「大攪」他說：「我講咗拍呢個劇一定要多啲資源，製作預算會有較多空間，呢個係我今次做監製嘅條件嚟㗎，因為咁先會令觀眾覺得有較好睇嘅場面。」
陳家樂、陳瀅為《廉政行動2019》男女主角
除了林超賢監製外，導演陣容亦新鮮，由一眾影壇新貴擔任，分別有《衝鋒車》劉浩良、《暴瘋雨》李光耀及《樹大招風》許學文、《十年》歐文傑，相信劇集會有很強的電影感，而近年TVB經常被網友鬧是是但但，但今次這個製作組合，林導很有信心：「我自己做野態度從來冇求其兩個字，幾位導演肯定好博命做，電視同電影一定有資源上分別，但點樣去呈演，我呢班導演會有一定經驗。」
+5