【港姐2018】陳堯華自認參選有壓力：做瑜伽減壓個心好安靜

周四（9號）二十位候選佳麗齊集杏花邨攀石場一展身手。陳堯華（Hera)被視為今屆大熱，但早前喺天后廟拜神求籤，求得下籤，其間見到Hera有啲疲態，笑容欠奉，心理上可能承受好大壓力？Hera表示：「你同我傾多啲偈，你就知我唔係唔開心㗎啦，暫時都冇壓力嘅，都仲有一段時間，咁盡量做返多啲運動囉，我琴晚去完澳門之後，都即刻返去做瑜伽。」
 

做咗成日嘢，咁攰仲做瑜伽會唔會好吃力？「我反而覺得喺嗰度我會好開心，嗰度好寧靜，因為做空中瑜伽，我會不停咁轉圈， 個心反而安靜啲，其實點都會有壓力，但依加唔會over囉。」其實Hera一時話冇，一時話有，希望瑜伽運動真喺可以幫到佢減壓啦。