【夏日VR明星決戰】星夢力捧戴祖儀：好感恩多咗工作機會

戴祖儀〈Joey〉今日（11）現身銅鑼灣無綫《夏日VR明星決戰》活動。2018年加盟星夢娛樂成為旗下歌手，7月初推出首支派台歌曲《未開始的故事》成為星夢重點栽培之一，工作一浪接一浪，星途無可限量。

最近首次為無綫單元劇集《愛情沒有來的時候》擔正做女主角，並唱埋主題曲，覺唔覺公司力捧？「可以咁講啦，好感恩啦，喺多咗工作機會，唱歌同拍劇有機會去嘗試。」
 

上星期日首播《愛》，Joey全片只出場10鐘，一眾網民表示中伏。「其實都估唔到大家咁喜愛，會有啲人覺得我唔抵只得10分鐘，其實成程跟足兩個星期拍攝，佢哋嘅辛酸經歷都一齊見證，好多人會問我，下集會唔會見到我出現，喺唔會嘅，如果miss咗就要上返MyTv再睇重播啦。」