許志安51歲生日 鄭秀文樂做背後女人罕有貼合照祝賀
撰文：洪曉璇
出版：更新：
Sammi連出三個post分享老公安仔生日慶祝嘅開心時刻。（鄭秀文IG）
8月12日係許志安51歲生日， Sammi鄭秀文做咗許太之後，有時會po安仔嘅相，亦不介意話俾大家知自己嘅靚相係老公掌鏡，不過就甚少Po兩公婆同框合照，來到老公牛一終於破戒，仲連出三個po祝安仔生日快樂。
成班好朋友齊齊為安仔慶祝生日。（梁漢文微博）
Sammi先Po咗段安仔吹蠟燭嘅短片，見到壽星仔面前有2個靚蛋糕，Sammi做佢「背後的女人」好興奮手舞足蹈兼拍晒手，好似仲開心過自己生日。Sammi留言話：「一年一次，就po 吓啦！什麼都不要緊，最重要你身體健康。」另一個post係大合照，原來有齊Big 4張衛健、梁漢文、蘇永康，仲有吳國敬、歐陽德勛同蔡立兒等。
著住藍色連身裙嘅SAMMI，甘做安仔背後女人。（影片截圖）
雖則話人愈大愈懶得慶祝，不過作為約朋友食飯聚會嘅名目，都真係幾好使好用。Sammi亦留言話：「情這回事，越舊越香醇。大家各自在人生中不同的經歷，有起有伏，有得意之時，亦當然有失意之時。很多時，我們也許未必凡事也彼此幫得上忙，因為人生有些經歷是別人如何幫也幫不上的，上天需要我們在不同經歷中成長、領悟、覺醒甚至重生。我慶幸我們都各有經歷，各有低谷之時，這提供了我們更能成熟處理人生的能耐。最美好的是，朋友彼此心中有彼此。看到朋友開心，我就會很開心。今晚，mi 內心特別的𣈱快。」
另一張相見到許生許太都換咗衫，應該係安仔另一晚嘅生日飯局。（鄭秀文IG）