《再創世紀》內地審批終於過到關 將接《特技人》九月頭播
撰文：黃梓恒
出版：更新：
《再創世紀》終於播得！由TVB、愛奇藝和中國廣播影視出版社聯手製作，用成億去拍攝的重頭劇，早前因為在大陸審批未完成的關係，原先的檔期由《特技人》頂上，個個都估究竟會否過不了大陸審批。不過今日終於得到確實消息，《再創世紀》將會接住頂替它的《特技人》播放，即9月10日就會跟大家見面。
《再創世紀》有得播，幾位演員應該好開心。（網上圖片）
《特技人》成功執二攤，如果唔係可能又唔知等幾耐。（劇照）
上次被延期播放的時候，監製關樹明表明希望安排在暑假推出，但明顯未能如他所願，不過遲到總好過無到，9月也不是一個差時間，這個月份對於爭獎有很大的優勢。《再創世紀》共有36集，卡士相當之強勁，由郭晉安、周麗淇、林文龍、楊怡、鍾嘉欣、袁偉豪和周柏豪主演，再加上鄧佩儀、湯洛雯、潘志文和林嘉華等有份量的演員，看得出TVB相當重視這部劇集。
當年《創世紀》相當成功，唔知《再創世紀》又得唔得呢？（網上圖片）
根據預告片段，郭晉安在劇中是一名香港首富，跟林文龍鬥來鬥去，而郭的角色經常展露自己奸猾的一面，有不少人被他害得雞毛鴨血，他更有一句霸氣的對白：「我上得香港首富呢個位，就唔會返落嚟！」好明顯今次安仔是一個梟雄的角色，發揮十分之大，未知他能否馮此劇再次登次視帝，成為唯一一個可以4度封帝的人呢？
《再創世紀》，郭晉安是一個梟雄。（網上圖片）