【多圖】迪麗熱巴性感戲水 多角度Pose超吸睛
撰文：蘇國豪
出版：更新：
內地人氣女星26歲的迪麗熱巴，海內外都擁有大量粉絲，其五官深邃加上身材高挑的關係，唔少人都封她為「女神」，就連巴西足球名將柏圖都拜在她石榴裙下當場示愛，可見她魅力有幾咁大。唔知是否為了報答廣大粉絲的愛，近日熱巴就大派福利送上一連串泳裝照，完全係靚到Dum一聲十分養眼，唔睇就走寶。
熱巴去拍旅遊節目不忘影靚相啊！（網上圖片）
自出道以來熱巴其實都算保守，偶爾都只是露香肩同長腿，今次就趁拍攝旅遊節目《慢遊世界》，她就去了印度洋中西部一個群島國家塞舌爾同陽光玩遊戲，面對一片汪洋大海景色迷人，換上黑色連身泳裝的熱巴就當然忍唔住落水大玩特玩。雖然呢身泳裝唔係特別性感，不過都可以見到她的美好身材，擺出唔同Pose小露性感Feel，特別是她轉身回眸一笑簡直可以電暈人啊！
熱巴難得穿泳裝添！（網上圖片）
大擺Pose好迷人。（網上圖片）
節目就仲未播出，不過節目組就相當識做製作了一些幕後花絮，見熱巴纖腰加蜜桃臀盡現在泳池中戲水，配上休閒的音樂畫面十分養眼，美人配美景見到心情都靚啲。另外，熱巴仲在水中大玩濕水秀髮，一個甩頭的動作仰望天空在鏡頭前畫下一道水的弧線，靚到爆晒燈啊！唔少粉絲見到難得穿泳裝的熱巴都眼前一亮，個個有讚無彈「漂亮姐姐」﹑「真好看」﹑「美哭我了」…仲Over到話她是上帝遺落在人間的小仙女，可見她的美的確唔係一般美啊！
熱巴大晒好身材。（網上圖片）
以下是熱巴多角度靚照就好似同你玩緊陽光與遊戲中：
+3