【解決師】王浩信開工就「打人」: 見到人就諗點打贏佢

王浩信及唐詩詠正忙於拍攝Tvb新劇《解決師》，劇中王浩信有不少打鬥場面，王浩信更要學埋身搏擊，日日開工都要同人打交:「劇組俾好多時間我哋處理動作場口，因為呢類型嘅戲真係唔可以急，所以我宜家身體上都冇乜大損傷，因為日日都要打，我都俾個角色影響咗，每日都要想點同人打，見到每一個人行過都要搵佢弱點，睇下點打嬴佢，所以都滿足到我兒時夢想，就係拍動作戲。」

而拍檔唐詩詠亦大讚王浩信好打得，她說:「佢（王浩信）好打得，我就係被人打得，不過呢一套劇冇俾人打，只係被人綁架，我好希望下一套劇我可以打人。」詩詠從此之後會唔會踢走宣萱成為新一代被綁架女皇？佢表示完全唔擔心。