倪晨曦連續三年同粉絲慶祝生日　粉絲送禮變催婚

IG女神倪晨曦早前生日（8月15日），雖然當日喺錄影節目工作中渡過，但Elva有一班愛錫佢嘅粉絲，所以粉絲們之後亦準備咗一個生日會同佢慶祝。

Elva已經第三年同粉絲們慶祝生日，眾多粉絲們準備生日禮物送俾佢，其中一位粉絲送上生日禮物是一套3件的特色瓷器碗，寓意2大1細的瓷器碗是送給女神一家三口，Elva笑言其實初初唔係咁嘅意思：「哎呀！係另一個粉絲見到咁講，其他人先跟住講，哈哈！我無咁諗呀，覺得係分別放頭盤、主菜和甜品。」Elva最後提到粉絲真係唔需要買禮物送俾佢，心意已經收到，人有出席就好。