【全民造星】杜汶澤爆粗鬧星級評判冇品 張建聲懶理：我控制唔到
撰文：陳栢宇
出版：更新：
ViuTV選秀真人騷《全民造星》一路以來都製造了不少話題，在日前播出的一集中，節目便邀請了HMV數碼中國集團主席蕭定一、旗下歌手鄧健泓、演員張建聲、趙永洪和導演吳漢邦擔任星級評判。
在ViuTV在facebook公開剪輯片段中，五位評判勁喪踩一班參賽者，其中蕭定一便問參賽者Oscar：「Oscar，你覺唔覺得Oscar呢個名比較普通啲？會唔會好容易同人撞名呀？」而吳漢邦則指自己不明白為何要在台上掉帽。花姐翻睇評判意見時就愈睇愈嬲，指他們所講的說話不但毫無意義，又不尊重台上的表演者：「火都嚟埋呀真係！」而一向敢言的杜汶澤亦與其他網友一樣，對此在網上表達憤怒。
蕭定一在片中指參賽者Oscar名字過於普通易與人撞名。（影片畫面）
+10
杜汶澤在facebook分享《全民造星》片段便將矛頭直指蕭定一等人，更爆粗鬧一班評判黑心：「其實踩人邊個唔識吖？不過照鏡就唔係個個都識喇......有啲人我係一世都唔會睇得起，做人無X用好小事，黑X心兼無品嗰吓大件事。」又寫了「Hashtag」，包括：「#我覺得蕭定一個名好普通」、「#未睇過嗰個咩張建聲啲戲」和「#嗰個鬈毛我直頭唔XX識」。
在片段中暗示參賽者髮型不濟的張建聲接受《香港01》訪問時，便指自己對杜汶澤的評論沒有太大感覺：「其實唔止我哋，每一個睇嘅觀眾都係評判，而大家嘅要求、角度都唔同，所以接唔接受到我哋嘅睇法，我哋都控制唔到。」他又指片段經剪輯後，與事實情況有所出入：「其實我哋係有講到各位參賽者嘅優點。將心比己，你叫我出去唱歌跳舞，我都會好似唔知做乜。」提到劉美君聽到他們的評語後在後台爆「頂你個肺」，張建聲謂：「如果我係導師，睇到自己班仔咁樣畀人批評，我都會嬲到爆。不過，做得評判就要客觀，睇到咩就會講咩。今晚（24日）播出嗰集，睇肥仔（梁業）表演我係睇到起晒身拍手掌。」
杜汶澤在網上怒插蕭定一、張建聲和吳漢邦。（facebook）
張建聲指自己批評客觀，亦有讚到一班參賽者，睇完「肥仔」梁業的精彩演出後更企起身拍手掌。（資料圖片）