【電競音樂節2018】洛兒Lokyii進軍電影界初體驗：演員陣容好强大
撰文：林迅景
出版：更新：
唔止電視見到洛兒（Lokyii），遲啲連電影都見到佢。（梁碧玲攝）
《美女廚房》的成功，除了令本來只是電音DJ的洛兒（Lokyii）入屋成為宅男們的女神之外，更為她帶來意想不到的工作機會。雖然《美女廚房》錄影只剩不到5集，但洛兒已有另一工作挑戰。今日洛兒出席《香港電競音樂節2018》成為攤位的打碟DJ，她接受了《香港01》訪問：「最近公司幫我接咗一套電影，係我第一次拍會上電影院嘅戲。（咩戲？）要等開鏡拜神之後先講得。不過演員陣容好强大，好值得大家睇。」
今日《香港電競音樂節2018》，除咗受邀落場打碟，仲去唔同攤位玩遊戲。（林迅景攝）
洛兒接受訪問時說，昨天（8月24日）《香港電競音樂節2018》的工作結束後，就要趕去上堂學習。「公司最近見我要拍電影，就俾我去學戲，係跟泰臣（翟凱泰）嘅，可能公司覺得我有做笑片潛質，所以就叫我跟佢學嘢。」洛兒表示，今天是第一天上堂，心情有點緊張。問到是否與泰臣認識時，她搞笑的回答：「我識佢，佢唔識我囉。（準備咗啲乜？）準備咗要講多啲嘢囉，哈哈哈，希望唔好俾佢鬧。」
+8