黎明主動公開囡囡可愛樣:我的女兒...好胖呵呵

撰文:張嘉敏
出版:更新:
Leon竟然會主動公開囡囡個樣,真係估佢唔到。

黎明 (Leon) 與他旗下唱片公司女助手Wing的愛情結晶品於今年4月底出世,現年51歲的Leon正式榮升做爹地。Leon向來都將感情事低調處理,對家人包括囡囡當然都非常之保護,自從囡囡誕生後,Leon都沒有再公開談論過囡囡,更別說會公開囡囡個樣了。不過Leon昨晚在東莞舉行演唱會時,就心情勁靚咁回應粉絲叫他做爸爸,表示:「yes,I know !I am Papa!」流露出一副有女萬事足的冧樣,還答應粉絲遲些會同大家update愛女的近況。

Leon對於有粉絲叫佢爸爸,佢話:「yes,I know !I am Papa!」

而Leon絕對是講得出做得到,他今日已即刻兌現承諾,竟然主動公開了囡囡個樣!仲要是正面大頭相完全零遮掩,真係估佢唔到,令粉絲好驚喜呀!Leon於他的Facebook的上載了囡囡的正面相,並留言表示:「我的女兒... 好胖呵呵,...平凡是她的運氣。分享!一直和我一起成長的家族朋友」相中的Leon囡囡白雪雪肥嘟嘟,好cute呀。粉絲都粉粉留言大讚Leon個女好可愛,又話囡囡好似爹地,仲話Leon囡囡有Leon做爹地是她的福氣。

Leon個囡囡真係好肥好可愛呀!
大家覺得Leon個囡囡似唔似佢?