【港姐2018】決賽前夕港姐吐心聲　大熱Honey：不要讓害怕阻擋你

距離《香港小姐2018競選》仲有幾個鐘，20位候選佳麗除了要今晚決賽作最後的綵排之外，都有忙裡偷閒在IG發文呼籲大家記得投票同講下自己的賽前感受。

大熱14號美人魚何泳芍（Honey）就留言表示：「Courage doesn’t mean you don’t get afraid. Courage means you don’t let fear stop you.〈勇氣不代表你不害怕,而是指不要讓害怕阻擋你。〉今晚，20個女仔，一個舞台，一條心。」而另一位大熱17號的陳曉華〈Hera〉就在IG即時動態指：「BE FEARLESS〈無所畏懼〉」，看來兩位賽前唔多唔少都有點緊張，所以要提醒自己鼓起勇氣將自己最自信的一面呈現畀大家。

至於黑馬10號李芷晴雖然只係講咗句：「無論今晚賽果結果如何，希望都能帶畀大家一場good show」，有點官方但她在較早前就有留言講自己當初參選的原因，話：「由細到大我都係一個好細膽嘅人，參選香港小姐對我嚟講，其實係一個非常大嘅挑戰，依兩個月嘅經歷好特別，大家可能睇得岀我一開始好緊張，但我更希望你睇到我越戰越勇。」

而參選以來，接連發現意外的2號庄嘉慧就稱：「今日你地準備好未？記得投票記得收睇！準時8點我地電視見啦！Good show to all!!!」看來各佳麗已經整裝待發，究竟三甲人選會是誰呢？就讓我們拭目以待吧！