【麥路人】肯拍戲唔肯拍劇？ 萬梓良話自己好失禮：冇人搵我
撰文：關穎賢
出版：更新：
好戲之人萬梓良以一身紅色牛仔造型參與電影《麥路人》開鏡儀式。他接受《香港01》訪問時坦言因劇本同題材非常吸引，亦反映到香港的真實現象，所以快就答應拍攝：「我覺得呢次演出好有意義之餘仲有好新鮮，因為可以同郭富城、楊千嬅、張達明合作。我哋係認識嘅，但就冇合作過。」
萬子以一身搶眼的紅色牛仔造型現身，精神亦很好，不過拍攝完畢後就要休息好一段時間。（陳順禎攝）
至於談到最近有不少前輩級藝人復出拍劇，問到萬子可有心郁郁想既可以拍戲又可以拍劇，他笑言：「唉呀，好失禮！暫時都冇人搵我拍劇，隨緣啦！」其後，萬子透露因為糖尿病及血糖的問題，待這套新戲煞科後就要休息一段時間，其他工作就等明年再算。談到現時健康已經比之前好很多，萬子就直言全賴太太幫他控制飲食，加上有堅持做運動：「要戒口，唔可以食咁多飯，有太太照顧我飲食。」
萬子太太亦有現身，兩人更大方合照。（陳順禎攝）