【港姐2018】被指黑面領獎疑不滿賽果 丁子田：我只係心情緊張
撰文：林迅景
出版：更新：
Sara今晚表現係完美嘅，雖然問答環節可以再好啲。（梁碧玲攝）
「香港小姐2018」已圓滿結束，並由陳曉華（Hera）奪得冠軍，鄧卓殷（Amber）成為亞軍，而賽前自信心爆棚，預言自己100%奪冠的丁子田（Sara）就屈居第三名季軍。競選結束後丁子田（Sara）接受《香港01）訪問，她說：「好開心贏到季軍，好興奮（想知）我下一步係咩發展，同埋我好掛住其他女仔（佳麗），我啲朋友。」
得獎嗰下，Sara塊臉真係燶燶地，唔通唔開心？（梁碧玲攝）
不過賽後有眼利網友留意到，丁子田在得獎戴季軍后冠一刻，有點強顏歡笑以及「黑面」，莫非因為大熱倒灶，名次不似預期的關係？Sara回答說：「其實唔係㗎，我係開心。不過，因為呢個騷轉得好快，跑嚟跑去，我又怕我唔識睇Cam，係關心呢啲囉。（所以係緊張？）係吖，緊張。」
Sara話完騷之後最想做的就係返屋企同家人聚一聚，仲話現階段最想食薯條同Pizza。（梁碧玲攝）