【港姐2018】你看不到的港姐畫面　廣告時間最啱上網化妝偷食

「香港小姐2018」正式完結，鏡頭前大家看到的2小時的節目除了泳裝、才藝表演、問答環節，其實鏡頭後亦相當之繽紛。尤其是廣告時間（即係俗稱的廁所位），都可以看到各個藝人的真面目。有些藝人會趁這段時間鬆一鬆，就例如吳若希(Jinny)、胡鴻鈞會偷食餅乾小食、視后田蕊妮會補一補妝keep住個靚樣、roll機前馮盈盈會上「連登」視察民意keep住update。當然不少得某些藝人會發下呆又或者留倩影自拍一番。

攝：林迅景

開騷前，藝人例必要行一行紅地氈，接受一連串訪問以及讓傳媒拍照。而入場後，當然眾位坐在評判席的藝人就會揭揭場刊，交流一下意見，互相討論大家的心水佳麗。

（點擊細圖觀看更多）

當大家安坐家中食住飯睇電視的時候，其實大部份藝人（尤其是女藝人）都要空肚出騷，所以有時候亦會發現到他們在廣告時間偷吃零嘴。另一邊廂，一向出名貼地的馮盈盈在準備上台前就狂碌「連登討論區」追post，果然係貼住個潮流。其後馮盈盈回覆《香港01》說：「咁都俾你發現到，當時我喺度追緊直播post。」上台前仲做緊功課，抵讚！

愛靚，應該是每個女人的本質，而其中最能突顯自己最靚的一面，就當然是......自拍！無論賽前賽後，一群女藝人都會四周尋覓靚位擺pose自拍。完騷後，《香港01》記者仲幫蔡思貝影咗輯靚相添。

成為香港小姐之後，在場的家庭朋友都會趁機會上台影相留念。畢竟這個時刻，一生人只有一次。