吳若希自稱「星夢四打六」 準備問老闆：我係咪俾人雪咗？
撰文：林迅景
出版：更新：
遲啲開播嘅《再創世紀》插曲《為何你要背叛我》依舊係由吳若希包辦，其實今年已經有9首主題曲／插曲由佢唱。（梁碧玲攝）
吳若希（Jinny）加入「星夢娛樂」之後事業真是一帆風順，不過自菊梓喬（Hana）加入同公司成為師妹之後，就一直有傳聞指老闆何哲圖（Herman）偏心新人而冷落星夢娛樂「一姐」吳若希。早前Hana到台灣拍攝新歌MV時，就有傳言指Jinny曾向老闆「告御狀」為何自己的MV沒能到台灣拍攝，最後更有Jinny和Hana的不和的傳聞。不過傳聞就歸傳聞，其實Jinny在2018年工作比起Hana的工作明顯地多，有歌又有劇，而Hana相對上曝光機會就較少，不過反之Hana在今年11月就會推出其個人大碟。
傳聞成日都傳Jinny同Hana爭寵鬧不和，相反戴祖儀就好似冇乜是非。（梁碧玲攝）
上半年吳若希（Jinny）繼TVB王牌綜藝節目《森美旅行團》之外，其實還有拍攝當中，與周柏豪合作的《多功能老婆》。而即將到來的，更有《再創世紀》插曲《為何你要背叛我》，工作可謂是排的密密麻麻。今日Jinny出席《星光熠熠耀保良》，接受《香港01》訪問時說笑道：「拍劇之後其實我都冇嘢做㗎啦，所以我宜家準備打電話俾老闆問：『我係咪俾人雪咗？』或者我應該打電話俾老闆問：『我係咪失業吖？』哈哈，其實我有好多首歌錄起咗都係留返出年出街嘅。之後9月套劇完咗，10月都會去台灣拍返個MV。」
「二打六」都唔夠，吳若希仲自稱係「四打六」。（梁碧玲攝）
語出驚人的吳若希（Jinny）更笑說：「哈哈，終於輪到我拍台灣MV啦，哈哈。（你恨咗好耐啦。）係吖，因為公司嘅一姐同哥全部去晒台灣拍MV，係得我未去。（邊個係一姐一哥？）一姐就梗係菊梓喬啦，我哋都尊稱佢菊姐㗎，咁一哥更加唔使講啦，有周柏豪同埋胡鴻均，而我呢啲『四打六』呢...（你想講二打六？）哈哈，我呢啲二打六呢，就梗係排到最尾啦。」Jinny仲話想老闆何哲圖（Herman）睇返個訪問添，呢次Herman應該有排煩啦。
+6