【港姐2018】連落選港姐都有后冠戴 陳曉華:意義先係重要

撰文:林迅景
出版:更新:

《香港小姐2018競選》誕生出冠亞季軍三名香港小姐,雖然獎項就只有5個,但經過2個月而來的港姐訓練採排,20位佳麗就由互不相識的路人變成了互訴心事的好姊妹。競選之後,她們更相約一起聚舊食雞煲。不特止,原來她們更一齊買了「姊妹戒」紀念相互之間的友誼。

由任職珠寶設計師嘅庄嘉慧(Kathy)幫手買,隻戒指真係好靚吖。(Instagram圖片)

冠亞季軍三名香港小姐接受《香港01》訪問時表示,戴同一款戒指的原意是「希望20個女仔都有紀念品」。丁子田(Sara)說:「雖然后冠只係得三個,但我哋想記得呢個經歷,所以就揀咗皇冠造型。」鄧卓殷(Amber)說:「同埋我哋揀戒指嘅原因係因為每一日都可以戴出街,就可以掛住其他19位女仔。」
 

不過該款戒指並沒有甚麼鑽石又或者是白金之類,陳曉華(Hera)表示戒指是由20個女仔一起選擇,並說:「戒指代表的意思重,都係平時買開嘅飾物嘅價錢。(幾錢?)價錢就唔講啦,意義先係重要。」雖然今年香港小姐主題是「Be the Best,Beat the Rest」,但20位佳麗之間卻十分融洽。問到最深刻印象的經歷,大家都不約而同地認為一齊排舞的時光最感動,因為她們會互相交流幫忙支持。