《流行經典50年》孫佳君自嘲唱歌似催眠曲

孫佳君（Alien）日前首次出席Tvb節目《流行經典50年》的節目錄影，大家對於孫佳君印象可能只在於電影，問到Alien其實唱歌方面同樣厲害？她回應：「其實自己冇唱開歌，連卡拉Ok都好少去，（但點解會上嚟？）其實我又好鍾意唱歌，有一個監製朋友邀請我上嚟，咪試下，其實我當初參加星加坡小姐之後，有人叫我唱歌先而唔係去拍戲先，但最後我選擇拍戲。」

雖然說這是節目錄影，但Alien笑言原來做歌手很大壓力：「唱歌係要唱Live，唔同做戲冇得Ng，雖然話今日有機會可以Ng，但盡量都唔太好啦。」問到Alien其實她有一位忠實粉絲，Alien透露：「冇錯，我小兒子佢好sweet，我唱完畀佢聽，佢會話媽媽唱得好好聽，我話唔係嘛，但佢成日叫我再唱，最好笑係佢叫我佢瞓覺之前唱畀佢聽，話當係催眠曲，一唱佢就訓著。」

問到電影方面，Alien早前跟兩大影帝合作，分別是周潤發和郭富城，合作過程如何？Alien指每天也很愉快：「能夠同兩大影帝一嚌合作，真係好幸運同好榮幸，因為一個係我覺得靚仔嘅影帝就係城城，另外一個係永遠偶像發哥，佢唔單單教我哋做戲，佢仲教我哋做人，因為我好欣賞佢做人處事，佢真係好Nice，係佢身上學到好多。」